×

Предупредување

JUser: :_load: Неможно вчитување корисник со ID: 33

Германската читалница во Скопје, чиј партнер е Гете-Институтот, нуди можност за практикантска работа за студенти во текот на 2014 година кои сакаат да го применат своето знаење и да ги подобрат своите вештини станувајќи практиканти кај нас. Практикантската работа е доброволна (неплатена) и од практикантите се бара да работат 3 до 4 часа дневно, во текот на еден месец.

На 12 и 13 октомври 2013 година во Националната библиотека на Црна Гора „Ѓурѓе Црнојевиќ“ - Цетиње, под покровителство на Министерството за култура на Република Црна Гора, се одржа Втората конференција на директорите на националните библиотеки од Југоисточна Европа. На конференцијата учестуваа директорите на националните библиотеки на Словенија, Хрватска, Босна и Херцеговина, Црна Гора, вршителот на функцијата директор на Народната библиотека на Србија и претставници од Националната и универзитетска библиотека „Св. Климент Охридски“ - Скопје.

Петок, 01 Ноември 2013 15:51

„Проглас“

По повод 1.150-годишнината од Моравската мисија на светите браќа Кирил и Методиј, Националната и универзитетска библиотека „Св. Климент Охридски“ – Скопје, Република Македонија во соработка со Словачката национална библиотека - Мартин, Република Словачка, на 28 ноември 2013 г. организираше промоција на публикацијата „Проглас“ од Константин филозоф - св. Кирил.

По повод 115-годишнината од раѓањето и 20-годишнината од смртта на една од најзначајните српски поетеси на 20-от век, Десанка Максимовиќ, во Националната и универзитетска библиотека „Св. Климент Охридски“ - Скопје, на 9-ти октомври 2013 година, во 12 часот, ќе биде отворена репрезентативна изложба, насловена „Ви оставам само зборови...“.

Во изложбата како експонати се вклучени уникатни материјали кои се дел од оставнината на авторката и се чуваат во Народната библиотека на Србија: оригинални ракописи, белешки, концепти, први и последни верзии на текстовите, писма, лични предмети и документи итн.

Националната и универзитетска библиотека „Св. Климент Охридски“ - Скопје и Институтот „Јунус Емре“, со поддршка на Централната банка на Република Турција, извршија дигитизација на ракописите и ракописните книги од Збирката ориентални ракописи и ретки публикации на Библиотеката кои датираат од Отоманскиот период, како и конзервација и реставрација на оштетените материјали.

Учеството на НУБ „Св.Климент Охридски” - Скопје како соработник во проектот беше определено со потпишување на Протокол за соработка помеѓу Институтот “Јунус Емре” од Анкара, Република Турција и Библиотеката. Во него беа дефинирани видот, временската рамка и распоредот на активностите во рамките на проектот.

Галерија

Галерија фотографии

Контакт

 
Бул. „Гоце Делчев“ бр. 6, пошт. фах 566
Скопје
Република Македонија
 
Оваа е-адреса е заштитена од спамботови. Треба да ви е овозможено JavaScript за да ја видите.
 
+389 2 3115 177
 
+389 2 3226 846