Изложби

Националната и универзитетска библиотека „Св. Климент Охридски“ - Скопје и Институтот „Јунус Емре“, со поддршка на Централната банка на Република Турција, извршија дигитизација на ракописите и ракописните книги од Збирката ориентални ракописи и ретки публикации на Библиотеката кои датираат од Отоманскиот период, како и конзервација и реставрација на оштетените материјали.

Учеството на НУБ „Св.Климент Охридски” - Скопје како соработник во проектот беше определено со потпишување на Протокол за соработка помеѓу Институтот “Јунус Емре” од Анкара, Република Турција и Библиотеката. Во него беа дефинирани видот, временската рамка и распоредот на активностите во рамките на проектот.

Денови на македонската култура

Понеделник, 09 Септември 2013 09:42

Во рамките на потпишаниот договор за соработка меѓу Националната и универзитетска библиотека „Св. Климент Охридски“ – Скопје, Република Македонија и Народната библиотека на Србија во Белград, во сегментот за зајакнување и интензивирање на соработката меѓу двете библиотеки, на 5. и 6. септември 2013 год. во Народната библиотека на Србија се организираше дводневна манифестација насловена Денови на македонската култура, со што македонската страна ја одбележа 22. годишнина на независноста на Република Македонија.

Светот на бајките

Вторник, 28 Мај 2013 10:14

На 29 мај во 12:00 часот, во холот на Националната и универзитетска библиотека „Св. Климент Охридски“ - Скопје ќе биде отворена несекојдневна мултимедијална изложба насловена СВЕТОТ НА БАЈКИТЕ со која ќе се одбележи јубилејот 200 години од првообјавената збирка бајки на Браќата Грим.

Поминувајќи низ седум станици, секој посетител ќе може да ги види најзначајните мотиви од германските бајки. Преку елементи за слушање, гледање и интеракција ќе може да се проследат магиите и волшебствата, принцезите, животните и познатите херои од бајките.

Прогонство што трае

Четврток, 21 Март 2013 14:35

По повод 65 години сеќавање од насилно протераните деца Македонци од Егејскиот дел на Македонија во Граѓанската војна во Грција и 100 години од Балканските војни и Букурешкиот договор, Сојузот на Македонците од Егејот МАКЕДОН организира изложба под наслов ПРОГОНСТВО ШТО ТРАЕ.

Свеченото отворање ќе се одржи на 22 март 2013 г. (петок) во 11 часот, во изложбениот хол на Националната и универзитетска библиотека „Св. Климент Охридски“ - Скопје.

Имаме задоволство да Ве поканиме на свеченото отворање на изложбата насловена СРПСКАТА КНИЖЕВНОСТ ВО ПРЕВОД НА МАКЕДОНСКИ ЈАЗИК и на трибината Преводот и преведувањето - состојби и перспективи, што ги организираме во Националната и универзитетска библиотека „Св. Климент Охридски“-Скопје на 6 декември 2012 г., со почеток во 11.00 ч.

Галерија

Галерија фотографии

Контакт

 
Бул. „Гоце Делчев“ бр. 6, пошт. фах 566
Скопје
Република Македонија
 
Оваа е-адреса е заштитена од спамботови. Треба да ви е овозможено JavaScript за да ја видите.
 
+389 2 3115 177
 
+389 2 3226 846