Новости

 Со задоволство ве информираме дека на штандот на Националната и универзитетска библиотека „Св. Климент Охридски“ - Скопје, на Саемот на книгата, денес (18. април) во 13.00 часот ќе биде претставена новата поетска книга од Владимир Илиевски што излезе деновиве под насловот Брзината не убива. За книгата ќе зборуваат издавачот и литературен критичар Нове Цветановски и поетот, критичар и есеист Јовица Тасевски Етернијан. Авторот, Владимир Илиевски, ќе прочита избор од песните објавени во книгата.

 Шведската писателка Селма Лагерлеф : многу повеќе од само раскажувач 

Гостин предавач – Лена Кореланд, почесен професор по компаративна книжевност од Шведска

Петтиот културен настан што Националната и универзитетска библиотека „Св. Климент Охридски“ - Скопје го организира во рамките на манифестацијата „Денови на светската книжевност“ ќе биде посветен на шведската книжевност и е насловен Шведската писателка Селма Лагерлеф: многу повеќе од само раскажувач. Предавањето ќе го одржи Лена Кореланд, почесен професор по компаративна книжевност и истото ќе биде на англиски јазик. Настанот ќе се одржи на 14 април 2016 г. (четврток), со почеток во 11:00 ч., во Центарот за конференции и студии на НУБ „Св. Климент Охридски“. Селма Лагерлеф е една од најзначајните шведски авторки и прва жена добитничка на Нобеловата награда за литература.

 Четврт настан: „На двете страни од океанот: литература по(д) диктатура“  посветен на шпанската и јужноамериканската книжевност

Како што веќе најавивме, во текот на целата 2016 година во Националната и универзитетска библиотека „Св. Климент Охридски“ - Скопје континуирано ќе се промовираат и презентираат публикации од македонската тековна и актуелна издавачка продукција и од капиталните проекти, а ќе се организираат и книжевни средби, трибини и други манифестации со цел афирмирање и поттикнување на читањето и привлекување читатели од различни генерации. Планираните програмски активности се во функција на популаризација на македонската книжевност и на преводите од светската книжевност, на богатата и разновидна издавачка продукција во Република Македонија и на новите публикации.

„СЕЧЕЊЕ НА ХАРТИЈА“

Вторник, 29 Март 2016 09:06

 На 29 март о.г (вторник) во 12,00 ч. Националната и универзитетска библиотека „Св. Климент Охридски“  - Скопје и Институтот „Конфуциј“ при Универзитетот „Св. „Кирил и Методиј“ во Скопје организираат предавање за древната кинеска уметност „Сечење на хартија“ и демонстрација на основните техники. Осврт за историјата и значењето на оваа древна уметност ќе има Елена Дамјаноска, секретар на Институтот, додека Џанг Минџије ќе ги демонстрира основните техники на оваа уметничка форма. Настанот ќе се одржи во Центарот за конференции и студии при НУБ.

Контакт

 
Бул. „Гоце Делчев“ бр. 6, пошт. фах 566
Скопје
Република Македонија
 
kliment [at] nubsk.edu.mk
 
+389 2 3115 177
 
+389 2 3226 846