Германската читалница е основана во 1994 г. на иницијатива на Гете-Институт и во соработка со Министерството за надворешни работи на Сојузна Република Германија. Фондот на Германската читалница опфаќа околу 6000 б.е., a може да најдете избор на актуелни печатени и аудио-визуелни материјали на германски јазик со кои сакаме да укажеме на некои трендови и современи теми. Гете-Институтот ја поддржува библиотеката-партнер (НУБ) и заедно со неа соработува во проекти.
Кај нас можете да најдете:
- Германски книги
- Речници и лексикони
- Германски дневни и неделни весници
- Германски стручни списанија
- ЦД-а
- ДВД-а
- ЦД-РОМ-ови
- Интернет-пристап
- Нудиме и посебен фонд за германски како странски јазик.
ПРОСТОРИИ
Читалницата, со флексибилниот мебел и осветленоста, одлично е приспособлива за разни видови на културни и образовни манифестации како литературни читања, промоции на книги, предавања, работилници, изложби на плакати и книги.
Покрај тоа, во одвоената просторија може да се одржуваат семинари, настава по германски јазик и филмски проекции.
Катчето за читање едноставно ги привлекува корисниците на опуштено читање весници, списанија и книги.
ЗАЈМУВАЊЕ
Германската читалница при Националната и универзитетска библиотека „Св. Климент Охридски“ (НУБ) во Скопје е достапна за сите заинтересирани.
За зајмување на материјалите што ги нуди Германската читалница, потребно е да се приложи годишна членска картичка на НУБ.
Зајмувањето е бесплатно.
Доколку материјалите не се зајмуваат, фондот и другите услуги можат да се користат во Читалницата со приложување на лична карта или пасош.
Истовремено можат да се зајмат 2 книги/аудио-книги, 2 ЦД-а, 2 ДВД-а и 2 списанија/весници.
Опремата во Германската читалница овозможува сите ЦД-а, ДВД-а или ЦД-РОМ-ови да се преслушаат и проследат во нејзините простории.
Рокови за зајмување
|
Книги и аудио-книги на ЦД-а |
20 дена |
|
Весници, списанија и музички ЦД-а |
10 дена |
|
ДВД-а |
3 дена |
Продолжување на рокот за зајмување
Рокот за зајмување може да се продолжи само еднаш. Продолжувањето на рокот може да се изврши во текот на работното време на Читалницата, писмено преку е-пошта или телефонски.
ДИГИТАЛНА БИБЛИОТЕКА НА ГЕТЕ-ИНСТИТУТ
Онлајн зајмување на е-книги, е-весници, е-аудио и видео записи.
ИНФОРМАЦИИ
Во Германската читалница ќе добиете одговор на Вашите прашања на различни теми за германската култура и општество. Информации за можностите за студирање, работа и пракса во Германија, разни видови стипендии и сл.
Одговорот на Вашето барање ќе го добието во тек на пет дена.
Воведување во работата на Германската читалница за групни посети на студенти, ученици, наставници по германски јазик и други заинтересирани групи на граѓани со претходно договарање на термин.
РАБОТИЛНИЦА ЗА УЧЕЊЕ ВО ГЕРМАНСКАТА ЧИТАЛНИЦА
- Кратка презентација за Германската читалница
- Настава по германски јазик
- Групна работа
- Презентации од групната работа
- Дискусија за искуството во Германската читалница
Договарање на термин:
Се олеснува личното и просторното планирање, ако термините бидат договорени 2 недели однапред. Секој настан можеме да го организираме според потребите на групата. Темите треба да бидат договорени при пријавувањето.
РАБОТНО ВРЕМЕ:
понеделник,среда,петокn 11:00 - 14:30
вторник,четврток 12:00 - 18:00
првата сабота во месецот 11:00 - 15:00
ОДГОВОРНО ЛИЦЕ:
Мариана Палашевска
Тел.: ++ 389 2 312 33 49
Тел.: ++ 389 2 31 15 177, лок 127
Е-пошта: Оваа е-адреса е заштитена од спамботови. Треба да ви е овозможено JavaScript за да ја видите.
