На оваа изложба со повеќе од 20 фотографии од фотографот Манфред Фолмер од Есен ќе ја запознаете метрополата Рур. Тоа претставува урбанизирана област што е позната по рударството и индустријата за производство на челик кои што секогаш одново се откриваат: недовршени, инспирирачки и изненадувачки. Метропола во настанок. Европскиот град на културата РУР.2010 претставува мотор на овој развој.

Изложбата иницирана од РУР.2010, која во годината на Европскиот град на културата патува во повеќе светски метрополи, доаѓа во Скопје во организација на Друштвото за македонско-германско пријателство и соработка во партнерство со НУБ „Св. Климент Охридски“ – Германска читалница со поддршка на Гете-Институт Канцеларија за врски Скопје.

Гете-институт во соработка со Кинотеката на Македонија и Националната и универзитетска библиотека „Св. Климент Охридски“ Скопје го организира детскиот Фестивал за слика и филм / Bild- und Filmfestival-BUF.

Во Националната и универзитетска библиотека „Св. Климент Охридски“ Скопје ќе ја прикажеме изложбата „Стрип, манга & ко. Новата германска стрип-култура“. Таа ги претставува актуелните тенденции во областа на стрипот преку делата на 13 стрип-цртачи.

Изложбата организирана од Гете-институт во соработка со Музејот за сликовници од Тројсдорф преку 13 репрезентативни позиции ни овозможува да се запознаеме со творештвото на значајни германски илустратори. Покрај меѓународно реномираните класичари, се претставуаат и помлади уметници чии дела ги отсликуваат најновите тенденции во германската илустрација на сликовници.

Изложбата поединечно ги претставува делата на следниве уметници: Јута Бауер, Ротраут Сузане Бернер, Надја Буде, Клаус Ензикат, Волф Ерлбрух, Џеки Глајх, Николаус Хајделбах, Зибиле Хајн, Јанош, Каролине Кер, Аксел Шефлер, Филип Вехтер и Катја Венер. Тринаесетте уметници беа поканети да изберат по пет илустрации од некоја од нивните сликовници и накратко да го образложат својот избор. На овој начин изложбата овозможува една навистина лична и непосредна средба со уметниците.

На 17 и 18 септември, Миле Бошески, директорот на Националната и универзитетска библиотека „Св. Климент Охридски“ – Скопје, Република Македонија, со своите соработници ја посети Националната библиотека Сечењи и Националната библиотека за странска литература во Будимпешта, Унгарија и со директорите на овие библиотеки потпиша Договори за соработка. Тоа подразбира проширување на меѓусебната соработка преку размена на стручен кадар од областа на библитекарството и информациските науки и размена на искуства, учество во меѓународни проекти и организирање културни манифестации за приближување и запознавање на културите на двата народа. Македонската Национална библиотека на двете библиотеки им подари по еден комплет од „130 тома македонска книжевност“.

Големо задоволство ни е да Ве поканиме на заедничкото чествување на празникот посветен на нашиот патрон Свети Климент Охридски и на врачувањето на традиционалните јубилејни награди, како скромен знак на почит за долгогодишното споделување на пријатните моменти при работата во нашата Библиотека. На средбата ќе учествуваат: проф. д-р Јелена Лужина, Илинденка Петрушева, проф.д-р. Сашо Коруновски, доц. д-р Тони Филипоски, д-р Тихомир Стојановски и проф. д-р Марија Чичева – Алексиќ.