Прес

Големо задоволство ни е да Ве поканиме на заедничкото чествување на празникот посветен на нашиот патрон Свети Климент Охридски и на врачувањето на традиционалните јубилејни награди, како скромен знак на почит за долгогодишното споделување на пријатните моменти при работата во нашата Библиотека. На средбата ќе учествуваат: проф. д-р Јелена Лужина, Илинденка Петрушева, проф.д-р. Сашо Коруновски, доц. д-р Тони Филипоски, д-р Тихомир Стојановски и проф. д-р Марија Чичева – Алексиќ.

Од 22 до 24 ноември во Германската читалница ќе се одржи работилница за креативно пишување организирана од Здружение друштво за македонско-германско пријателство и соработка-Скопје со пријателска поддршка од Гете-Институт Канцеларија за врски Скопје. Работилницата ќе ја раководи писателката Карен Сузан Фесел. По овој повод ќе бидат поканети до 20 млади учесници кои солидно го познаваат германскиот јазик и сакаат да пишуваат на германски јазик. Учесниците треба да бидат на возраст од 16 до 24 години.

Пријавување:
Заинтересираните кандидати се пријавуваат со личен есеј. Темата е „Младите пишуваат за иднината“. Есејот не смее да биде подолг од 2 страни. Есеите треба да се испратат најдоцна до 31 октомври 2012 на следната е-пошта: Оваа е-адреса е заштитена од спамботови. Треба да ви е овозможено JavaScript за да ја видите. со назнака: Младите пишуваат за иднината.

До 15 ноември 2012 одбраните учесници ќе добијат покана и дополнителни информации. Есеите ќе се преработуваат во рамките на работилницата за креативно пишување под раководство на Карен Сузан Фесел и ќе се подготвуваат за печатење на публикација.

Договори за соработка со Унгарија

Среда, 19 Септември 2012 00:00

На 17 и 18 септември, Миле Бошески, директорот на Националната и универзитетска библиотека „Св. Климент Охридски“ – Скопје, Република Македонија, со своите соработници ја посети Националната библиотека Сечењи и Националната библиотека за странска литература во Будимпешта, Унгарија и со директорите на овие библиотеки потпиша Договори за соработка. Тоа подразбира проширување на меѓусебната соработка преку размена на стручен кадар од областа на библитекарството и информациските науки и размена на искуства, учество во меѓународни проекти и организирање културни манифестации за приближување и запознавање на културите на двата народа. Македонската Национална библиотека на двете библиотеки им подари по еден комплет од „130 тома македонска книжевност“.

Денес, во Ректоратот на Универзитетот "Св. Кирил и Методиј" во Скопје, г. Миле Бошески Директор на Националната и универзитетска библиотека "Св. Климент Охридски" која е и придружна членка на Универзитетот, оствари работна средба со Ректорот г. Велимир Стојковски, при што во знак на благодарност за тесната соработка му подари грамота на рачно изработена еколошка хартија според програмата на Младиот Свети Климентов универзитет кој веќе неколку години делува во рамките на Библиотеката.

Во разговорите се разгледаа можности за продлабочување на соработката на повеќе полиња помеѓу Универзитетот и Националната и универзитетска библиотека "Св. Климент Охридски" во Скопје.

(22 јуни 2012 г.)

Миле Бошески и Томас Дикхаус, директорите на Националната и универзитетска библиотека „Св. Климент Охридски“ – Скопје и на Гете Институт, Канцеларија за врски, Скопје, потпишаа Договор за понатамошно функционирање на Германската читалница во рамките на Библиотеката. 

Во оваа пригода на директорот Миле Бошески му беше врачена благодарница во форма на плакета со ликот на Волфганг Гете во знак на благодарност за извонредната соработка и успешното функционирање на Читалницата, што беше оценето при евалуацијата на Германските читалници во Југоисточна Европа, а соопштено од Герлинде Бук, раководител на Одделот за Библиотека и информации.

Контакт

 
Бул. „Гоце Делчев“ бр. 6, пошт. фах 566
Скопје
Република Македонија
 
Оваа е-адреса е заштитена од спамботови. Треба да ви е овозможено JavaScript за да ја видите.
 
+389 2 3115 177
 
+389 2 3226 846