Д-р Иван К. Заров, директорот на НУБ и д-р Чен Ли, заменик извршниот директор на Националната библиотека на Кина, ќе потпишат Меморандум за соработка со цел проширување на соработката во областа на библиотечно-информациската дејност и зајакнување на професионалните односи меѓу двете библиотеки,
Исто така, Колегиумот на НУБ ќе оствари работна средба со гостите од Кина заради заемно запознавање со достигнувањата и перспективите на развојот на библиотекарсвото при што ќе се разменат идеи за проекти во областа на стручната обработка, современите технологии, реставрацијата, конзервацијата, како и дигитализацијата на библиотечен материјал.
Одговорните за посебните збирки во НУБ за гостите ќе подготват пригодна изложба и ќе претстават дел од непроценливото културно наследство на Република Македонија што се чува во фондот на НУБ, а кое зборува за културните и историските вредности и корени на нашиот народ.
Амбасадорот на Кина во Македонија, г. Вен Женшун, ќе присуствува на официјалното потпишување на меморандумот за соработка.
Од Министерството за надворешни работи г-ѓа Весна Крстиќ Андреевска, началник на одделение и одговорна за билатералните односи со НР Кина, во секторот за билатерални односи со Евроазиски држави, Среден Исток и Африка, како и раководителот на секторот г. Р. Салиу.