Со самата програма на киното со сликовници сакаме, пред сè, да понудиме еден забавен час за децата и младите за да ја поттикнеме интеракцијата помеѓу нив преку учење на еден странски јазик, кое нема да доведе само до нови познанства, дискусии, насмевки и љубопитност туку и до една поинаква перспектива на гледање на германскиот јазик во овој случај, а воедно и да ја поттикнеме љубопитноста за книгите кај младите.  

Со проекциите на различни приказни, некои веќе познати од нашето детство, младите ќе имаат можност да го искажат своето мислење и својата креативност. За крајот се предвидени разни игри.

Првото кино со сликовници ќе се одржи на 2.4.2016, сабота, во 13 часот, а ќе се прикажува познатата бајка од Браќата Грим „Трнорушка“.

* За помали групи до 15 гледачи, проекции и во текот на неделата.