Осврт за унгарската книжевност ќе има професорот Гара Петрила Атила, кој ќе зборува за националниот празник на Унгарците што се прославува на 15 март, како и за творештвото на Шандор Петефи.
Шандор Петефи е исклучително важна фигура во унгарската книжевност и, воопшто, во унгарската култура. Освен излагањето на професорот Петрила ќе имате можност да слушнете и неколку песни од познатиот поет Петефи, во оригинал на унгарски и во препев на македонски јазик. Освртот ќе се одржи на унгарски јазик, а преводот на македонски јазик ќе биде од г-дин Јожеф Шутуш, претседател на Здружението на Унгарците во Р. Македонија – Теледом.
Како што беше најавено уште на првиот настан, информираме дека во Библиотеката, во текот на целата 2016 г. континуирано ќе се промовираат и презентираат публикации од капиталните издавачки проекти на Владата преведени на македонски јазик, како и други изданија.
Срдечен поздрав,
.