На свеченото отворање, на 22 мај, се обратија и свој збор за изложбата и за соработката меѓу Ватикан и Република Македонија изнесоа: Фернандо Вергез Алзага, генерален секретар на Ватикан, проф. Антонио Паолучи, директор на ватиканските музеи, д-р Елизабета Канческа-Милевска, министер за култура на Република Македонија, д-р Звонимир Јанкуловски, амбасадор на Македонија во Светата Столица и д-р Ѓорѓе Иванов, претседател на Република Македонија. На свеченоста присуствуваа и амбасадорот на Македонија во Италија, Оливер Шамбевски, г. г. Стефан, поглавар на Македонската православна црква, Спиро Ристовски, министер за образование и наука, д-р Валентина Божиновска, директор на Комитетот за верски со религиозни заедници и групи, претставници на дипломатскиот и културниот свет во Ватикан, како и многу други високи гости од Македонија и Македонци кои живеат и работат во Италија.
За изложбата се погрижи стручниот тим од НУБ „Св. Климент Охридски“ – Скопје, предводен од д-р Иван К. Заров, директор на Библиотеката и комесар на изложбата и тимот, во состав: м-р Зорица Јаковлеска-Спировска, виш конзерватор, Викторија Костоска, виш библиотекар и координатор за меѓународна соработка, Магдица Шамбевска, раководител на Секторот за комплетирање и стручна обработка на библиотечен материјал и Љупчо Јованов, информатичар. Со цел соодветно и доследно претставување на ракописите, во процесот на подготовката тимот соработуваше со стручните консултанти д-р Михаило Ѓоргиевски, специјалист за средновековна христијанска литература, кој го направи изборот и описот на ракописите, а од големо значење беа и стручните совети на акад. Ѓорѓи Поп Атанасов, проф. д-р Франческа Дел Аква од Универзитетот од Салерно, Италија и проф. д-р Анета Георгиевска Шајн од Универзитетот во Мериленд, САД. Ликовното и графичко уредување на каталогот го направи м-р Марија Ветероска-Трпкоски
Изложбата е финансиски поддржана од Министерството за култура на Република Македонија
Од вкупно триесет (30) ракописи, дваесет и еден (21) се земени од фондот на Националната и универзитетска библиотека „Св. Климент Охридски“ – Скопје, а останатите девет (9) ракописи се земени од Заводот за заштита на спомениците на културата и музеј - Охрид, Државниот архив на Македонија, Историскиот архив - Охрид, Македонската архиепископија (Богословски факултет) – Скопје и Македонската академија на науките и уметностите (МАНУ).
Од каталогот за изложбата д-р. Иван К. Заров: