Специјалните библиографии ја дополнуваат богатата библиографска дејност што Библиографскиот центар ја развива и негува од формирањето до денес. Тие се подготвуваат со соодветна концепциска осмисленост, специјално за некоја значајна личност, по повод некој јубилеј, настан, период, област, на посебна тема и друго. Ја опфаќаат целокупната истражена литература за одреден временски период на излегување и се издаваат во една публикација што го олеснува истражувањето. Овие библиографии нудат голем број референци за монографски публикации, зборници, статии и прилози и имаат големо значење за научниците, докторантите, магистрантите и студентите кои ги проучуваат темите и областите што се земени како параметар за специјалната библиографија.
Начинот на подредување на библиографските единици и видовите на регистри кои ги содржи одредена специјална библиографија зависи од суштината на предметот што се обработува во соодветната библиографија.