Почитувани,
Ни претставува чест и задоволство да Ве информираме дека Националната и универзитетска библиотека „Св. Климент Охридски“ - Скопје, продолжува со серијата настани посветени на светската книжевност, во рамки на планираните програмски активности за популаризација на книгата.
НУБ Св. „Климент Охридски“ и Американското катче во Скопје ве покануваат на вториот настан од серијата „Денови на светската книжевност“, насловен „Американски класици: поттикнување на метакогницијата преку кратките раскази на Реј Бредбери“, кој ќе се одржи на 29.2.2016 г. (понеделник) со почеток во 13 часот, во Центарот за конференции и студии во НУБ.
Националната и универзитетска библиотека „Св. Климент Охридски“ - Скопје, започнува со организирање серија настани посветени на светската книжевност, во рамки на планираните програмски активности за популаризација на книгата.
Првиот културен настан од серијата „Денови на светската книжевност“ го организираме во соработка со Институтот „Конфуциј“ при Универзитетот „Св. Кирил и Методиј“ во Скопје и е насловен „Празникот на пролетта во кинеската книжевност“. Осврт за значењето на овој празник и за антологиските поетски творби инспирирани од него ќе има Игор Радев. Настанот ќе се одржи на 24.2.2016 г. (среда) со почеток во 12 часот, во Центарот за конференции и студии во НУБ „Св. Климент Охридски“.