Координативниот центар за културна соработка што се отвори вечерва во НУБ ќе ги координира активностите во културата помеѓу НР Кина и земјите-членки на Инцијативата 16, ќе ги презентира културата на НР Кина и на земјите од ЦИЕ, а ќе иницира и заеднички меѓународни платформи на соработка и поврзување на културите на земјите-членки на Процесот 16 + 1. Освен на културните настани, Центарот ќе биде фокусиран на комуницирање и вмрежување со претставници од областа на културата на Кина и на земјите од ЦИЕ, состаноци со експерти и културни работници, собирање, уредување, објавување и дистрибуирање информации поврзани со промовирање на културните врски меѓу Кина и земјите од ЦИЕ.

Објавено во Прес

Институтот „Конфуциј“ при Универзитетот „Св. Кирил и Методиј”, Скопје и Кинеското катче при НУБ, Ве канат на предавањето со наслов „Кинеската традиционална култура и современото кинеско општество“, во среда, 7 февруари, со почеток од 13,00 часот во Центарот за конференции и студии во НУБ.

Предавањето ќе го одржи проф. д-р Ке Џинг, од Универзитетот за странски јазици во Пекинг, главниот академски центар за изучување и истражување на странски јазици кој е основач на 27 институти „Конфуциј“ во светот.

Објавено во Прес

Наградите ќе се доделат на 6.2. 2018 (12 часот) во просториите на новата галерија на НУБ „Св. Климент Охридски“ – Скопје, каде воедно ќе биде презентиран и каталогот од селектираните дела.
Комисијата на изложбата, поради големиот број интересни уметнички концепти кои се различни во пристапот и реализацијата, одлучи НУБ да им додели три рамноправни откупни парични награди на:

- Игор Таневски
- Мирко Бојаџијевски
- Владан Петрушевиќ

и три рамноправни награди во избор на книги од Библиотеката на:

- Јана Јакимовска
- Ненад Тонкин
- Мето Ангелов

(Членови на комисијата: Владимир Јанчевски, историчар на уметноста – куратор на изложбата; Д-р Сафет Ахмети, историчар на уметноста; Ѓорѓе Јовановиќ, ликовен уметник; Искра Димитрова, НУБ „Св. Климент Охридски“ – Скопје и
Марко Цуцуловски, НУБ „Св. Климент Охридски“ – Скопје)

Објавено во Изложби

Новиот број на списанието „Издаваштво“, чија основна цел е да ја презентира и афирмира издавачката продукција во Република Македонија, излезе од печат, а објавен е и во електронски формат на интернет-страната на Националната и универзитетска библиотека „Св. Климент Охридски“ – Скопје. 
​ ​Во овој број на „Издаваштво“ се претставени повеќе нови поетски и прозни

Објавено во Прес

Националната и универзитетска библиотека „Св. Климент Охридски“ и Рускиот центар

при УКИМ имаат чест да Ве поканат на промоцијата на книгата „Русизмите во
македонскиот литературен јазик“ на професорката Нина Чундева.

Промотори на монографијата ќе бидат д-р Емил Ниами, проф. д-р Катерина Велјановска и
проф. д-р Красимира Илиевска.

Настанот ќе биде збогатен и со свечено наградување на професорката Чундева со
Пушкинскиот медал кој го доделува претседателот на Руската Федерација на странски
државјани кои оставиле трајни вредности во образованието и руската култура. Медалот ќе го додели амбасадорот на Руската Федерација во Република Македонија н.е. Олег
Николаевич Шчербак.

Петок, 22.12.2017 во 12:30 часот, НУБ „Св. Климент Охридски“, Скопје

 

Објавено во Прес

Контакт

 
Бул. „Гоце Делчев“ бр. 6, пошт. фах 566
Скопје
Република Македонија
 
Оваа е-адреса е заштитена од спамботови. Треба да ви е овозможено JavaScript за да ја видите.
 
+389 2 3115 177
 
+389 2 3226 846