Имаме чест и задоволство да ве поканиме на свеченоста по повод патрониот празник Св. Климент Охридски, кој ќе го одбележиме на 7 декември.


11:00 Положување цвеќе пред споменикот на св. Климент Охридски
11:15 „Прелудио“, Јохан Себастијан Бах, изведба на виолина - Сара Панчевска
11:20 Доделување на традиционалните награди на вработените
11:45 Доделување на наградата Библиотека на годината
12:00 Перформанс „Емоции“ посветен на Блаже Конески, по повод 25-годишнината од неговата смрт, поддржан од Европската комисија во рамки на Годината на културно наследство

Режија и кореографија: проф. Кренаре Невзати – Кери
Актери: Дејан Лилиќ и Филарета Атанасова
Вокал: Александра Поповска

Објавено во Прес

Волонтерски Центар Скопје и оваа година, четврти пат по ред, во соработка и поддршка на Град Скопје ќе го организира НВО саемот со наслов “Заедно до подобро општество!”, на кој е предвидено да учествуваат граѓански организации и фондации, кои се активни на територијата на градот. 
Животот на НВО саемите вроди со неколку плодови, како што се успешни вмрежувања на ГО кои подоцна развиваа свои успешни партнерски проекти, финансиски поддржани од различни програми како што се IPA фондовите и слично. Настанот е планиран да се одржи во среда, 5-ти Декември 2018 година, во периодот 11-19 часот, во просториите на Националана и универзитетска библиотека НУБ „Св.Климент Охридски“ -Скопје. Овој настан ќе биде во склоп и на одбележувањето на 5-ти Декември, меѓународниот ден на волонтерството.
На саемот е предвидено своја презентација, во форма на штанд, да имаат здруженија/фондации кои се регистрирани на територија на Град Скопје, но исто така и организации/фондации кои не се регистрирани во Скопје, но дел од своите активности ги спроведуваат/спровеле во корист на граѓаните на Град Скопје. Доколку сметате дека спаѓате во овие категории на организации и здруженија, слободно пополнете ја апликацијата за учество со свој штанд на НВО саемот. Апликационата форма можете да ја најдете на следниов линк: https://goo.gl/forms/MUEybIf5NHKi1Fvp2 

Објавено во Прес

Одбележување на 90 години од раѓањето на Неџати Зекирија. Ве очекуваме на 22 Ноември 2018 во 12 часот, во холот на НУБ.

Објавено во Прес

Саем на студии во соработка со Францускиот културен центар. Ги повикуваме учениците и студентите да го посетат саемот и да се информираат за можностите за студии во Франција. Четврток, 12 ч. во НУБ.

Објавено во Прес

Со задоволство Ве информираме дека Националната и универзитетска библиотека „Св. Климент Охридски“ - Скопје во соработка со Народната библиотека на Србија, а под покровителство на Министерството за култура на РМ организира семинар на тема: „Унапредување на библиотечните услуги преку усовршување на кадри од областа на библиотечната дејност за давање услуги на лицата со тешкотии во читањето“. Семинарот ќе се оддржи на 30 октомври 2018 година од 09.30 до 17.30 часот во Центарот за конференции и студии во НУБ „Св. Климент Охрдиски“ во Скопје. Библиотечните услуги за лицата со тешкотии во читањето (слепите, слабовидните, со дислексија, дисграфија, глувите и наглувите, за оние кои не можат да ја држат книгата во раце итн.) треба да бидат составен дел на секоја библиотека денес, особено кога новите технологии ни овозможуваат олеснување, а достапноста на информациите преку разни медиуми придонесуваат за развојот на тие услуги и за подобрувaње на нивниот квалитет. Се прават напори да се создадат услови библиотечните услуги да им бидат достапни и на корисниците кои имаат тешкотии во читањето, односно на кои не им е достапен стандардниот печат. Но и издавачите, да станат посвесни за потребата за приспособување на книгите и со таков вид на издаваштво. 
Обуката ќе овозможи библиотечниот персонал од Националната библиотека и од другите градски и локални библиотеки во Република Македонија - учесници на семинарот да се запознаат со тоа кои лица спаѓаат во категоријата корисници со тешкотии во читањето на стандардниот печат; со достапните формати и издаваштво во пристапни формати; со видовите пречки со кои се соочуваат корисниците со оштетен вид и другите лица со тешкотии во читањето; пристапност на информациите и публикациите на корисниците со тешкотии во читањето; помошната технологија (уреди, софтвери и помагала за читање и пишување); позитивна практика во давањето услуги на лицата со тешкотии во читањето и др.

Како потсетување, во Националната и универзитетска библиотека „Св. Климент Охридски“ - Скопје, постои библиотечен Центар за слепи и слабовидни лица, кој беше пуштен во употреба на 29 декември 2011 година, со цел да им се овозможи поцелосно и поефективно учество и вклучување во општеството на над 2500 слепи лица и поголем број лица со тешки оштетувања на видот. Со оглед на тоа што слепите и слабовидните лица не се во можност да ја следат вообичаено печатената литература на конвенционален печат, главната цел на Центарот е да им се овозможи на слепите и на слабовидните лица во Република Македонија непречено користење на материјали со културни, образовни и други содржини во пристапни формати. Центарот располага со опрема за печатење книги со Брајово писмо и за издавање аудио-книги.

Објавено во Прес
Страница 1 од 18

Контакт

 
Бул. „Гоце Делчев“ бр. 6, пошт. фах 566
Скопје
Република Македонија
 
Оваа е-адреса е заштитена од спамботови. Треба да ви е овозможено JavaScript за да ја видите.
 
+389 2 3115 177
 
+389 2 3226 846