„Проглас“

Петок, 01 Ноември 2013 15:51

По повод 1.150-годишнината од Моравската мисија на светите браќа Кирил и Методиј, Националната и универзитетска библиотека „Св. Климент Охридски“ – Скопје, Република Македонија во соработка со Словачката национална библиотека - Мартин, Република Словачка, на 28 ноември 2013 г. организираше промоција на публикацијата „Проглас“ од Константин филозоф - св. Кирил.

Објавено во Прес

По повод 115-годишнината од раѓањето и 20-годишнината од смртта на една од најзначајните српски поетеси на 20-от век, Десанка Максимовиќ, во Националната и универзитетска библиотека „Св. Климент Охридски“ - Скопје, на 9-ти октомври 2013 година, во 12 часот, ќе биде отворена репрезентативна изложба, насловена „Ви оставам само зборови...“.

Во изложбата како експонати се вклучени уникатни материјали кои се дел од оставнината на авторката и се чуваат во Народната библиотека на Србија: оригинални ракописи, белешки, концепти, први и последни верзии на текстовите, писма, лични предмети и документи итн.

Објавено во Изложби

Националната и универзитетска библиотека „Св. Климент Охридски“ - Скопје и Институтот „Јунус Емре“, со поддршка на Централната банка на Република Турција, извршија дигитизација на ракописите и ракописните книги од Збирката ориентални ракописи и ретки публикации на Библиотеката кои датираат од Отоманскиот период, како и конзервација и реставрација на оштетените материјали.

Учеството на НУБ „Св.Климент Охридски” - Скопје како соработник во проектот беше определено со потпишување на Протокол за соработка помеѓу Институтот “Јунус Емре” од Анкара, Република Турција и Библиотеката. Во него беа дефинирани видот, временската рамка и распоредот на активностите во рамките на проектот.

Објавено во Изложби

Ве известуваме дека во октомври и ноември Националната и универзитетска библиотека ќе ги одржи основните курсеви за библиотечно работење.

Доколку сте заинтересирани за учество на некој од овие курсеви, пријавете се најдоцна до 1.10.2013 г.

Тука можете да го видите Распоредот на термини и да го преземете Образецот на пријавата.

За повеќе информации јавете се на 02 / 3115 177, лок. 156.

Објавено во Прес

Денови на македонската култура

Понеделник, 09 Септември 2013 09:42

Во рамките на потпишаниот договор за соработка меѓу Националната и универзитетска библиотека „Св. Климент Охридски“ – Скопје, Република Македонија и Народната библиотека на Србија во Белград, во сегментот за зајакнување и интензивирање на соработката меѓу двете библиотеки, на 5. и 6. септември 2013 год. во Народната библиотека на Србија се организираше дводневна манифестација насловена Денови на македонската култура, со што македонската страна ја одбележа 22. годишнина на независноста на Република Македонија.

Објавено во Изложби

Контакт

 
Бул. „Гоце Делчев“ бр. 6, пошт. фах 566
Скопје
Република Македонија
 
kliment [at] nubsk.edu.mk
 
+389 2 3115 177
 
+389 2 3226 846