Националната и универзитетска библиотека „Св. Климент Охридски“ – Скопје има чест и задоволство да Ве покани на одбележувањето на Светскиот ден на книгата и на авторското право.

По тој повод НУБ ќе подарува книги за посетителите и ќе донира книги на организацијата „Една може!“, Проектот за социјализација на возрасни граѓани во склоп на Општина Центар и на КПУ Затвор Скопје. Исто така посетителите ќе имаат можност да купат книги по ниски цени на мини саемот во холот на НУБ. СЕ охрабруваат посетителите да донесат стара хартија за рециклирање затоа што на тој начин ќе добијат повеќе книги. 


Во прилог е програмата:
- Поздравна реч на Сенка Наумовска, в.д. директор

- Обраќање на Роберт Алаѓозовски, министер за култура, со македонската порака

- Читање на пораката на генералниот директор на УНЕСКО, Одре Азуле

- Обраќање на НЕ, Емилио Лоренсо Сера, амбасадор на Кралството Шпанија

- Изведба на студентите од Факултетот за драмски уметности „Dame la Libertad“, кореограф, проф. Невзати Кренaре-Кери

- Рецитал на поемата „Везилка“ од Блаже Конески, на македонски и на шпански јазик во изведба на студенти од Групата за шпански јазик при Катедрата за романски јазици од Филолошкиот факултет „Блаже Конески“ - Скопје, под менторство на Сања Михајловиќ-Костадиновска и Давид Соса Мајор

- Мини-концерт на студентите од Факултетот за музичка уметност во класата на проф. Дарко Багески: E.Granados - Spanish Dance br.2 и Spanish Dance br.5, J.Riba – Rodriguesca, A.Forrest - Joropo

НУБ подарува книги на:

- Здружението „Една може!“ за самохрани мајки

- Центар за социјализација на возрасни лица при Општина Центар

- КПУ затвор Скопје

„Калевала“ - музика на светот

Подарок книга и роза, според стариот каталонски обичај

Коктел


МИНИ-САЕМ НА КНИГИ ВО НУБ СО МИНИ-ЦЕНИ ОД ИЗДАВАЧИТЕ (11.00 ч. – 18.00 ч.)


Со стара хартија до нова книга

Донесете стара хартија за рециклирање и ќе добиете нова книга

Објавено во Прес

Денеска во Националната и универзитетска библиотека „Св. Климент Охридски“ - Скопје, директорката на библиотеката, Сенка Наумовска и ректорот на Универзитетот Aмерикан Колеџ Скопје, проф. д-р Марјан Бојаџиев, потпишаа Меморандум за разбирање и соработка. Со овој Меморандум отпочнува соработка меѓу овие две институции со цел изведување практична настава за студентите од Универзитетот Американ Колеџ, како и обука, продлабочување на знаењата, размена на наставен и стручен кадар, како и размена на информации и искуства за истражувања, научни собири, развојни и други проекти од заеднички интерес. Директорката и ректорот искажаа подготвеност за размена на наставници, соработници и други стручни лица во вршењето на наставно-образовниот процес на додипломските и постдипломските студии на Универзитетот, како и во рамки на работата на НУБ.

Објавено во Прес

Контакт

 
Бул. „Гоце Делчев“ бр. 6, пошт. фах 566
Скопје
Република Македонија
 
kliment [at] nubsk.edu.mk
 
+389 2 3115 177
 
+389 2 3226 846