Прес
КОНФЕРЕНЦИЈА НА ДИРЕКТОРИТЕ НА НАЦИОНАЛНИТЕ БИБЛИОТЕКИ ОД ЈУГОИСТОЧНА ЕВРОПА
Вторник, 07 Ноември 2017 13:13Република Македонија годинава ќе биде земја-домаќин на 6-та Конференција на директорите на националните библиотеки од Југоисточна Европа што ќе ја организира Националната и универзитетска библиотека „Св. Климент Охридски“ - Скопје, со поддршка на Министерството за култура.
Конференцијата ќе се одржи на 8 и 9 ноември 2017 г. во НУБ „Св. Климент Охридски“. Директорите на националните библиотеки на Македонија, Бугарија, Србија, Црна Гора, Косово, Босна и Херцеговина, Хрватска и Словенија ќе дискутираат за можностите за размена на дигитални објекти, вклучување со заеднички активности во рамки на Европската година на културното наследство - 2018, а исто така ќе бидат разменети информации за актуелни и нови проекти.
По овој повод подготвена е камерна изложба „Пишувањето како ракотворење: словенски ракописи од 13 до 19 век од Археографската збирка во НУБ „Св. Климент Охридски“, на која ќе се обрати господин Роберт Алаѓозовски, министер за култура на Република Македонија.
На 9 ноември (четврток) ќе се одржи работилница на тема Основната функција на библиотеките: Безбедно чување и заштита на кумулираното знаење на нацијата и на ракописното наследство што НУБ „Св. Климент Охридски“ ја организира во соработка со Националната библиотека „Св. Кирил и Методиј“ од Софија.
Потоа ќе биде отворена изложба на плакати „Книги, правци и публика“ на која ќе бидат претставени материјали од фондовите „Ракописи и старопечатени книги“, „Ориентална збирка“ и „Бугарски историски архив“ на Националната библиотека на Бугарија.
НУБ Ви го честита Денот на независноста на Република Македонија со неколку примероци од нашите колекции.
Петок, 08 Септември 2017 12:57НУБ Ви го честита Денот на независноста на Република Македонија со неколку примероци од нашите колекции.
Во НУБ се одбележа четиригодишнината од основањето на Институот „Конфуциј“ при Универзитетот „Св. Кирил и Методиј“ во Скопје
Среда, 06 Септември 2017 12:52
На 4 септември во НУБ се одбележа четиригодишнината од основањето на Институот „Конфуциј“ при Универзитетот „Св. Кирил и Методиј“ во Скопје. На свеченоста на присутните им се обрати ректорот на Универзитетот „Св. Кирил и Методиј“ во Скопје проф. д-р Никола Јанкуловски кој е и претседател на Управниот одбор на Институтот „Конфуциј“. На честитките за понатамошна успешна работа на Институтот се придружи и министерот - советник на Амбасадата на НР Кина во Р. Македонија г. Мао Чингвен. На свеченоста присуствуваа: директорката на НУБ „Св. Климент Охридски“ г-ѓа Сенка Наумовска, проректорите на УКИМ проф. д-р Билјана Ангелова и проф. д-р Гордана Јосифова - Неделковска, деканот на Економскиот факултет проф. д-р Љубомир Дракулевски и директорката на Економскиот институт Татјана Петковска - Мирчевска.
Оваа свеченост беше особено значајна затоа што беше последната активност во која учествувше досегашниот кинески директор проф. Денг Шиџонг, кој му посака успешна работа на новиот кинески директор проф. д-р Лијао Веј.
Избран нов вршител на должноста директор на Националната и универзитетска библиотека „Св. Климент Охридски“
Петок, 11 Август 2017 12:49Почитувани,
За вршител на должноста директор на Националната и универзитетска библиотека „Св. Климент Охридски“ - Скопје од 4.8.2017 г. со Решение на министерот за култура е именувана Сенка Наумовска, која претходно беше раководител на одделението Стручна обработка на публикации и има долгогодишно искуство во систематизација и предметизација на библиотечен материјал и во едукација на библиотекари.
Конкурс за најдобра фотографија
Четврток, 03 Август 2017 12:46Европеана Europeana.eu ве повикува да учествувате во наградна игра!!!
За сите љубители на фотографијата, фотографи – аматери и професионaлци, Европеана и НУБ „Св. Климент Охридски“ - Скопје ви подготвија летно изненадување.
Европеана е дигитална библиотека, музеј и архив каде се чува културно богатство од над 3000 институции од Европа. Натпреварот #PicThisEurope е инициран од Европеана и истиот претставува продолжение на дигиталната изложба на стари разгледници Picture this! Vintage postcards of Southeastern Europe во која, со разгледници од Скопје, кои се дел од фондот на посебните збирки, учествуваше и Националната и универзитетска библиотека „Св. Климент Охридски“ - Скопје заедно со националните библиотеки од Албанија, Босна и Херцеговина, Молдавија, Словенија, Србија, Хрватска и Црна Гора. Натпреварот има цел да го промовира културното наследство отсликано на старите разгледници.
Европеана ве повикува да учествувате во овој натпревар со свои фотографии кои ќе прикажат како изгледаат денес објектите и знаменитостите што се претставени на разгледниците.
Испратете ги вашите фотографии на социјалните мрежи на Европеана Facebook, Twitter или на Instagram користејќи го симболот #PicThisEurope и наведете го градот и државата од каде е испратена фотографијата и станете добитник на една од наградите или бидете дел од изложбата Europeana Collections.
Фотографиите може да ги испраќате до 31 август 2017.
Погледнете ги правилата за учество на следната адреса bit.ly/PicThisEuropeMKD
Новости
Обележувачи
Изложби
- ДИГИТАЛНА ИЗЛОЖБА ПО ПОВОД 100-ГОДИШНИНАТА ОД РАЃАЊЕТО НА БЛАЖЕ КОНЕСКИ Петок, 30 Јули 2021
- УМЕТНИЧКА ЛИТЕРАТУРА ПАТ КОН КУЛТУРЕН ДИЈАЛОГ И СОРАБОТКА Четврток, 25 Октомври 2018
- Изложба - патување низ италијанскиот јазик и кутлура Понеделник, 15 Октомври 2018
Прес
- СВЕЧЕНО ОДБЕЛЕЖУВАЊЕ НА ПАТРОНИОТ И ДРЖАВЕН ПРАЗНИК - СВЕТИ КЛИМЕНТ ОХРИДСКИ И 50 ГОДИНИ ОД ПУШТАЊЕ ВО УПОТРЕБА НА ОБЈЕКТОТ НА НАЦИОНАЛНАТА И УНИВЕРЗИТЕТСКА БИБЛИОТЕКА „СВ. КЛИМЕНТ ОХРИДСКИ“ - СКОПЈЕ Вторник, 06 Декември 2022
- Најновиот број на списанието Библиотекарство за 2022 година Четврток, 17 Ноември 2022
- Порака од г-а Одре Азуле, генерaлeн директор на УНЕСКО Сабота, 23 Април 2022
Галерија
