Прес

На денешниот свечен студентски ден, директорката Сенка Наумовска, во име на Националната и универзитетска библиотека „Св. Климент Охридски“ - Скопје, додели 650 членски картички за бруцошите на филозофскиот факултет.

Објавено во Прес

Омаж за едно раѓање и едно умирање

Четврток, 20 Септември 2018 14:01

Со „Омаж за едно раѓање и едно умирање“ Националната и универзитетска библиотека „Св. Климент Охридски“ - Скопје ќе ги одбележи јубилејните датуми, 90 години од раѓањето на Томе Арсовски и 15 години од смртта на Димитар Солев.

Манифестацијата ќе се одржи на 24. септември (понеделник) 2018 г., хол на НУБ. 

Го очекуваме вашето присуство.

Објавено во Изложби

На 18 и 19 септември 2018 година (од 09:00 - регистрација), Претставништвото на Россотрудничество во Скопје и Russia.Study (Агенција за соработка во образованието), со поддршка на Рускиот центар при Универзитетот „Св. Кирил и Методиј“ во Скопје, ќе организираат саем-презентација на водечките руски високообразовни институции - „Образованието во Русија: старт на вашата успешна иднина“.

За учество неопходна е претходна регистрација: 
https://clck.ru/EFW2p Влезот е слободен.

Посетителите на настанот ќе можат да се информираат за програмите за повишување на степенот на квалификација во руските високообразовни институции, завршување на второ високо образование и условите за запишување и обука на магистерски студии. Може да добијат информации и за тоа како е организиран системот на образование во Русија, кои се предностите кои ги добиваат странските студенти и како да се аплицира во програмата за стипендии на руската влада, за бесплатно образование во Русија.

На саемот ќе учествуваат претставници на водечките руски институти и универзитети, од повеќе наставно-научни области и специјалности: хуманистички, технички, физичко-математички, природно-научни. Програмите и условите за студирање ќе ги презентираат проректорите на образовните институции и раководителите на организационите единици одговорни за меѓународна соработка и обука на странски студенти.

Ги покануваме претставниците на медиумите и образовните институции, матурантите, студентите и младите научници, посетителите и наставниците на курсевите за изучување на руски јазик, како и сите заинтересирани, да го посетат саемот.

Објавено во Прес

Ресоцијализацијата во општеството, вклучително и на осудените лица, е важен предизвик за сите нас...

Ние како општество сме должни, по вашето напуштање на овие казнено-поправни установи, да обезбедиме услови за ваше постепено враќање во социјалните структури на општеството, да создадеме можности за подобар живот за вас, но и за вашите семејства“, истакна министерот за култура Асаф Адеми вечерва, пред почетокот на концертот кој беше организиран за лицата лишени од слобода во казнено-поправната установа Затвор Скопје и беа донирани книги од Националната и универзитетска библиотека „Св. Климент Охридски“ - Скопје. Министерството за култура заедно со националните установи од областа на културата реализираше една поширока акција со повеќе културни активности за ресоцијализација и едукација, настани кои се одвиваа како дел од Меморандумот за соработка, кој Министерството за култура го потпиша заедно со Затворот Скопје. 
Министерот за култура посочи дека Министерството за култура и во иднина преку своите национални установи, во рамките на своите надлежности, стои на располагање, на казнено-поправните установи да им понуди културни содржини од различен вид. Директорката на НУБ, др. спец. Сенка Наумовска покрај донацијата на книги (која е трета донација за КПУ во нејзиниот мандат) ќе овозможи и дополнителни библиотечни активности за примерните затвореници.

Објавено во Прес

Во Центарот за конференции и студии на НУБ „Св. Климент Охридски“ денес се одржа прес-конференција на која директорот на Струшките вечери на поезијата Мите Стефоски, заедно со претседателката на УО на оваа меѓународна манифестација, проф. д-р Елизабета Шелева, ги претставија програмата и содржините на овој поетски фестивал.

Објавено во Прес

Контакт

 
Бул. „Гоце Делчев“ бр. 6, пошт. фах 566
Скопје
Република Македонија
 
Оваа е-адреса е заштитена од спамботови. Треба да ви е овозможено JavaScript за да ја видите.
 
+389 2 3115 177
 
+389 2 3226 846