Повик за натпревар!

Учествувајте со ваши фотографии на изложба на Europeana Collections.

На почетокот на оваа година учествувавме во една изложба која прикажува стари разгледници од Република Македонија. Оваа изложба ги славеше  убавите градови, предели и региони од Југоисточна Европа.

Разгледниците ни прикажуваат една носталгична слика од Југоисточна Европа. Би сакале да видиме како тие места од изложбата изгледаат денес.

Посетете ја изложбата Picture This!  за да видите точно кои места и културни знаменотости ги бара Европеана.

Културни знаменотости кои ги бара Европеана, а се во Македонија: фотографија 1, 2, 3.

Група од педесетина библиотекари и професори од повеќе средни училишта од Загреб и Крапина, Хрватска, беше во еднодневна стручна посета на Националната и универзитетска библиотека „Св. Климент Охридски“ - Скопје. Целта на посетата беше запознавање со стручните процески, системот и организираноста на работата на нашата библиотека, размена и споделување знаења.

Стручните и одговорни библиотекари од НУБ подготвија излагања и презентации, почнувајќи од набавката и комплетирањето на библиотечен материјал, новите законски промени во библиотечната дејност, доделување на ЦИП-записот за секоја новоиздадена публикација, работата на ИСБН и ИССН агенциите, базите податоци кои им се на достап на корисниците за нивните истражувања, програмата КОБИС, специјалните збирки... Голем интерес кај гостите предизвикаа неколкуте експонати, особено „Бели мугри“ од 1939 г. и ракописот „Животопис на Свети Влахо“ од 1861 г. од Радиловиќ (МС 29).

Наскоро......

Конкурс за најдобра фотографија !!!

Националните библиотеки на Југоисточна Европа и Европеана ви подготвуваат изненадување... Информирајте се навреме!!! Посетувајте ја веб страната на Националната и универзитетска библиотека „Св. Климент Охридски“ - Скопје www.nubsk.edu.mk за да дознаете повеќе информации. И, не пропуштајте да го следите нашиот фејсбук профил Национална и универзитетска библиотека.

Дигиталната библиотека на Македонија при НУБ „Св. Климент Охридски“ - Скопје во периодот од 23.05 - 28.05 реализира посета на дигиталните библиотеки при Националната и универзитетска библиотека на Хрватска, Народната библотека на Србија и Универзитетската библиотека во Белград.

ПРЕТСТАВУВАЊЕ НА МАКЕДОНСКАТА КНИЖЕВНОСТ И ИЗДАВАШТВО НА МЕЃУНАРОДНИОТ САЕМ НА КНИГАТА ВО ВАРШАВА

Република Македонија годинава за првпат ќе учествува на Меѓународниот саем на книгата во Варшава, Полска, што ќе се одржи од 17 до 21 мај 2017 г., а организатор на претставувањето на македонската книжевност и издаваштво ќе биде Националната и универзитетска библиотека „Св. Климент Охридски“ - Скопје.

На Меѓународниот саем на книгата во Варшава, кој е еден од најголемите саеми во овој дел на Европа, оваа година ќе учествуваат околу 800 издавачи од 32 држави од 5 континенти. Освен многубројните издавачи од Полска, штандови на саемот ќе имаат издавачи и од САД, Русија, Кина, Германија, Франција, Шпанија, Велика Британија, Австралија, Индија, Јапонија, Кореја, Турција, Аргентина, Чиле, Перу, Данска, Белгија, Холандија, Швајцарија, Шведска, Чешка, Романија, Хрватска итн. Земја почесен гостин ќе биде Германија, а на саемот ќе се одржат голем број книжевни средби, трибини и дискусии на кои ќе учествуваат околу 1000 автори од различни држави, меѓу кои се и добитници на Нобеловата награда и на други врвни книжевни награди и признанија.