Прес

Во Националната и универзитетска библиотека “Св. Климент Охридски“ – Скопје беа промовирани новите 60 наслови од едицијата “Ѕвезди на светската книжевност”. Досега се објавени 269 од предвидените 560 книги од капиталниот проект на Владата на Република Македонија. До крајот на оваа или почетокот на 2015 се планира заокружување на целиот проект кој почна пред две години.

Објавено во Прес

Читателски клуб во Германската читалница

Понеделник, 03 Февруари 2014 16:15

Во сабота се одржа читателскиот клуб на Германската читалница. Присутните се одлучија за писателот со руско потекло Владимир Каминер, кој пишува на германски јазик, и неговата книга „Срдечни поздрави од Германија“, кратки раскази. Конверзацијата беше само на германски јазик и му благодариме на Адриан, ДААД - асистент, кој прифати да го води читателскиот клуб. На желба на присутните читателскиот клуб ќе се одржува секоја прва сабота во месецот од 11:00 до 15:00 часот. За сите оние што дојдоа малку подоцна, ве молиме да доаѓате точно во 11:00 часот. Се надеваме дека на следната средба ќе има поголема посетеност и ќе се дружиме и со оние кои имаа желба, но неможеа да присуствуваат на првата средба.

Објавено во Прес

Националната и универзитетска библиотека „Св. Климент Охридски“ - Скопје, како комесар на македонското издаваштво на 58. Меѓународен белградски саем на книгата што се одржа од 20. до 27. октомври 2013 г., на оваа најголемa манифестација во регионот посветена на издаваштвото и книжевноста, истовремено ги презентира актуелната издавачка продукција од Република Македонија и современата македонска книжевност. И првиот и вториот сегмент на претставувањето беа успешно реализирани, за што сведочат позитивните одгласи во српските медиуми и културните кругови. Македонскиот штанд го посетија голем број српски писатели и преведувачи, издавачи од Србија и од други држави, како и многумина заинтересирани љубители на книгата, меѓу кои беа и Македонци кои живеат и работат во Република Србија.

Објавено во Прес

Во организација на Националната и универзитетска библиотека „Св. Климент Охридски“ - Скопје, на 6-ти декември 2013 година (петок), со почеток во 11 часот, ќе се одржи Седмата научна средба „Свети Климент Охридски - инспирација во ликовното творештво“.

Координатор на научната средба е академскиот сликар Александар Станковски, а научни и стручни излагања ќе имаат: академскиот сликар Коле Манев, академскиот сликар проф. м-р Владимир Георгиевски, проф. д-р Анета Серафимова, д-р Сашо Цветковски и академскиот сликар Александар Станковски.

Објавено во Прес

Германската читалница во Скопје, чиј партнер е Гете-Институтот, нуди можност за практикантска работа за студенти во текот на 2014 година кои сакаат да го применат своето знаење и да ги подобрат своите вештини станувајќи практиканти кај нас. Практикантската работа е доброволна (неплатена) и од практикантите се бара да работат 3 до 4 часа дневно, во текот на еден месец.

Објавено во Прес

Контакт

 
Бул. „Гоце Делчев“ бр. 6, пошт. фах 566
Скопје
Република Македонија
 
Оваа е-адреса е заштитена од спамботови. Треба да ви е овозможено JavaScript за да ја видите.
 
+389 2 3115 177
 
+389 2 3226 846