Што е дробен печат?
Дробен печат е генерички поим за разновиден библиографски неповрзан библиотечен материјал кој за потребите на обработката, чувањето и користењето, е обединет во група според некои заеднички елементи.
Националната и универзитетска библиотека „Св. Климент Охридски“-Скопје го организирала вкупниот библиотечен материјал во Збирка дробен печат.
Селектирање
Критериуми:
- масовност на слични/идентични (типски) публикации;
- подготвителност (неконечност);
- прирачност;
- информативност/пропагандност;
- ефемерност;
- наменетост на ограничен број корисници (мал тираж);
- формален изглед на печатениот материјал.
Дробен печат се:
- адресари;
- билтени;
- брошури (без автор);
- извештаи;
- именици;
- информативни публикации;
- каталози;
- летоци;
- плакати;
- програми и (планови);
- патенти;
- поштенски и таксени марки;
- предлог-закони и други прописи;
- проспекти;
- разгледници;
- рекламни материјали;
- рото-романи;
- стандарди;
- фотографии
Значење
Содржините на дробниот печат се значајни за истражувачите и другите корисници заради својата примарност, изворност/оригиналност и документарност.
Комплетирање
Начелно, фондот на Збирката дробен печат е национален и се комплетира како задолжителен примерок.
Мал дел од него е странски и се комплетира како подарок или размена.
Обврска за доставување
Доставувањето дробен печат е работа од јавен интерес уредена со Законот за задолжителен примерок (Службен весник на РМ бр. 11/94)
Дробниот печат го доставуваат печатниците и издавачите до Националната и универзитетска библиотека „Св. Климент Охридски“-Скопје во 5 примероци.