Национална и универзитетска библиотека „Св. Климент Охридски “- Скопје
Што треба да знаете и да направите за да ги користите фондовите и услугите на Библиотеката
Обуки и стручна помош, стандарди и други документи за унапредување на вашата дејност
Откријте зошто вашите изданија треба да содржат CIP, ISBN, ISSN, ISMN, и други информации
Продажба на книги, Центар за конференци и студии, конзервација и реставрација на хартија и пергамент
Посетителите на Националната и универзитетска библиотека „Св. Климент Охридски“-Скопје, од 1 до 10 јули, 2014 г., ќе имаат можност да ја видат ексклузивната изложба „Словенски ракописи од Македонија од XIII до XIX век“. Изложбата е организирана во рамките на јубилејното чествување на 70-годишнината од основањето на Националната и универзитетска библиотека „Св. Климент Охридски“-Скопје.
Посетителите на ватиканските музеи од целиот свет, од 22 мај до 7 јуни 2014 г., имаат можност да ја разгледаат ексклузивната изложба „Словенски ракописи од Македонија од XIII до XIX век“ и да се запознаат со остатоците од една древна писмена традиција, на чии темели е вградена дејноста на двајца од најзначајните Кирилометодиеви ученици и учесници во Моравската мисија - светите Климент и Наум Охридски. Изложбата е дел од манифестацијата Македонија во чест на свети Кирил во Ватикан и одбележувањето на 20-годишнината од воспоставување на дипломатските односи меѓу Република Македонија и Светата Столица. Таа е во организација на Националната и универзитетска библиотека „Св. Климент Охридски“ – Скопје, која за оваа намена подготви и каталог. Каталогот изобилува со фотографии од ракописите во боја, а текстот е на македонски, италијански и англиски јазик со што овозможува сите заинтересирани подетално да се запознаат со илјадагодишната писмена традиција како дел од културното и духовно наследство на Македонија. Ракописите се сместени во специјално изработени витрини за оваа намена и се поставени во прекрасно осмислен простор на ватиканските музеи.
Националната и универзитетска библиотека „Св. Климент Охридски“ – Скопје која за цел има заштита и претставување на културното богатсво од денес ја пушта во употреба новата преуредена страна „Средновековни словенски ракописи во Македонија“.
Ексклузивна изложба на оригинални ракописни книги во Кралскиот музеј Мариемон (Musée royal de Mariemont) Изложбата содржи 39 ракописни книги од Македонија, од кои 31 од археографската збирка на Националната и универзитетска библиотека „Св.Климент Охридски“ – Скопје, како и од Државниот архив на Р.Македонија, НУ Завод за заштита на спомениците на културата и Музеј во Охрид и во Битола, и од Историскиот архив во Охрид.
Оваа изложба е заеднички проект помеѓу Националната и универзитетска библиотека „Св.Климент Охридски“ – Скопје, Кралскиот музеј Мариемон, Католичкиот универзитет во Лувен, Амбасадата на Р.Македонија во Брисел и Валонија Брисел Интернационал. Изложбата која се реализира во рамките на билатералната соработка помеѓу Македонија и Федерацијата Валонија Брисел е поддржана од Министерството за култура на Република Македонија и од белгиската страна.
На 17 и 18 септември, Миле Бошески, директорот на Националната и универзитетска библиотека „Св. Климент Охридски“ – Скопје, Република Македонија, со своите соработници ја посети Националната библиотека Сечењи и Националната библиотека за странска литература во Будимпешта, Унгарија и со директорите на овие библиотеки потпиша Договори за соработка. Тоа подразбира проширување на меѓусебната соработка преку размена на стручен кадар од областа на библитекарството и информациските науки и размена на искуства, учество во меѓународни проекти и организирање културни манифестации за приближување и запознавање на културите на двата народа. Македонската Национална библиотека на двете библиотеки им подари по еден комплет од „130 тома македонска книжевност“.